---

waun des lebm
so in de joahre kummt
schaut ma mehr
in se söwa eini

de liab
de ma gspiat
warmt imma nu
owa öfta gfriat ma
weu´s gaunz sche
schwa sei kau

dass´ ned fia imma is
woaß ma a
mehr wia fria
und übalegt se
w†s woi bleibt
vo dem lebm

---

es herbstlt schau
i warm mi
i gfria
ned fia imma

---

h†b ned vagessn
dass nu
a gaunz jungs herz
in mir schl†gt
des gspian wü
wia da wind
se aufüht
auf da haut
h†b ned vagessn
dass in dera wöd
a musi is
de klingt
ois hätt s´
da herrgott
zu uns gschickt
h†b ned vagessn
dass ma´s lebm
a schmeckn
riacha
daunzn kau
drum
faung i au

---

Kaiser, Brigitte
Hoamatlos leb i gaunz in da Mittn vo an rundumadum schen Hoamatlaund. Drei wundaboare Kinda san ma gschenkt, a Mama, a Bruada, zwoa Schwestern, a Freindin dazua nu a Mensch, den i gern h†bm kau. In da Schui s†g i de Kinda, dass da Herrgott se gern h†d, oiweu und fia imma, gaunz gleich, w†s se tan und wer s´san. I m†ch Biacha und gib dem, w†s de Leit schreibm a recht a schens Gwaund. So bin i gaunz zfriedn mit dem, w†s i doa dearf und mit dem, wo i bin. Vo mia gibt´s schau: ich bin die königin dieser nacht, ISBN 3-901535-67-5, edition innsalz Das Erschrecken der Geranien. Erzählung, ISBN 978-3-902616-95-1, edition innsalz Nur ein Wimpernschlag. Gedichte, ISBN 978-3-902981-93-6, edition innsalz Leben oder Überleben. Menschen im Waldviertel 1945, ISBN 978-3-903126-01-5, edition innsalz

---