---

De eerst Schooldag is dor! Vergnöögt maakt sik Hasengreten un Hasenhans op denWeg in de Hasenschool merrn in t Holt. De ool Lehrer töövt al op de beiden, denn he will se all dat wiesen, wat en richtigen Haas weten un könen mutt: Blangen Plantenkunn, Gornarbeit, Hakenslaan un Geschichten över den slauen Voss lehrnt se natürli ok, woans een Oostereier mit de schönsten Farven bunt anmalen kann.

---

De Kinnerbookautor Albert Sixtus (1892-1960) hett disse fidelen Versen to Papier bröcht un de Illustrator Fritz Koch-Gotha (1877-1956) hett wunnerbore Biller vull Leev dortogeven. Dit Billerbook is 1924 dat eerst Mol ünner de Lüüd kamen un as en Klassiker ut de düütsche Kinnerbookliteratur nich wegtodenken. Karl-Heinz Groth, en bekannte plattdüütsche Schrieversmann in uns Land, hett disse Versen in´t Plattdüütsche överdragen.

---